نصائح للممتحنين

ملاحظاتى وتوصيتى ليك فيما تعلق بالجنائى:
قلت كثيرا أن تنظيم المهنة عملى وليس أكاديمي: بالنسبة للأسئلة التى هدف منها الممتحن استشكشاف معلوماتك القانونية من حيث إلمامك بالمصطلح القانونى والتكييف القانونى ترد أسئلة من شاكلة أكتب مذكرتك القانونية عن :مثلا الإشتراك الجنائي- التحريض- المعاونة- وكلها من المادة 3 والنظرية العامة.
أما ألوقائع الإفتراضية (ما تسمونه بلغتكم الكيسات وتقصدون القضايا جمع كيس بالدارجى) فبيديك وقائع تكون جريمة معينة أو مسئولية جنائية يريد أن تطبق فهمك للوقائع وتطبيق المبدأ القانونى.
أول وأهم النصائح: ما تستعجل الإجابة الزمن المتاح ثلاث ساعات والامتحان مختوت للطالب متوسط المستوى يحله فى نصف الزمن قبل كدا يعتبر تهور .لذلك أقرأ السؤال مرة وإتنين وتلاثة قبل ما تجاوب كل مرة بتضح ليك المسألة بشكل أوضح وتقفذ فى ذهنك معلومات جديدة أدى نفسك فرصة تستحضر كل معلوماتك ودا بيحصل فى كل مرة تقرأ فيها السؤال.
بعد ما تقرأ السؤال وتحس أنك أستوعبت المسألة تعال على الورقة نفسها وفى كل فقرة أكتب هامش يعنى لو الفاعلين أكثر من واحد أكتب قصادها الإشتراك الجنائي. وحدد من الوقائع طوالى إشتراك بإتفاق سابق؟ وإلا تعدد بدون إتفاق يعنى توافق؟ عشان تتذكر 21 و22 من القانون الجنائي .
لو أمر أو تحريض خت طوالى 25/26 منه. كدا بتكون حددت عقدة السؤال.
طيب إذا الفعل المكون للمسئولية يصيب الجسم يبقى شوف فيها موت وإلا أذى؟ خت قتل عمد – خطأ …الخ
لو محل الفعل مال خت سرقة إذا أشار لحرز أو نصاب خت 170 إذا فيه أمانة تبقى خيانة أمانة إذا ما ما عنده صاحب تملك..هكذا يبقى حددت جريمة ضد النفس وإلا المال وإلا العرض وإلا الحرية.
بعد دا كله وضحت خط طريقك وإبد إشتغل على ضوء مخططك وبتمهل شديد.
ما مهم أنه تكييفك صاح وإلا غلط المهم أنك حللت العناصر ودا معناها إنت فاهم يبقى الفرق فى حالة الغلط فى التكييف فرق درجات مش صاح وإلا غلط.
أهم حاجة تسأل نفسك هل الفعل مجرم؟ وإلا مباح؟ وإلا مشروع. مشروع يعنى فيه سبب إباحة دفاع خطأ وقائع فعل عرضي..الخ. أي كلام عن بيع شراء خجمة طوالى انتبه لأنه السؤال بيشوف معرفتك فى الفرق بين المسئولية المدنية والجنائية . انتبه لدى كويس مش يقول ليك أكل وما دفع تقول لى إمتلاك جنائي . ركز. دا تعامل مدنى وإلا غرتكاب مجرم مش محرم؟ يعنى لازم يكون المشرع وضع عقوبة عقوبة ونص عليها وإلا تعامل مسئولية مدنية مش جنائية
أتمنى لبكم التوفيق جميعا.

عن الكاتب


اضف تعليق

لن يتم نشر عنوان بريدك الإلكتروني. الحقول المطلوبة تتميز بـ *


يمكنك استخدام HTML وسوم واكواد : <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <s> <strike> <strong>

هذا الموقع يستخدم Akismet للحدّ من التعليقات المزعجة والغير مرغوبة. تعرّف على كيفية معالجة بيانات تعليقك.

error: غير مسموح